Жас оқырман қандай?
Опубликовано: 09.04.2013
Мамандардың айтуынша, Қазақстан жастары арасында көркем әдебиетке деген сұраныс азайғанымен білімге деген қызығушылық төмендеген жоқ. Бұл туралы бізге С. Бегалин атындағы Мемлекеттік балалар кітапханасының директоры София РАЕВА айтып берді. Жалпы Қазақстан жастары қандай кітапті оқығанды ұнатады? Оқырманның санын көбейту үшін қоғам не істеу керек? Бүгінгі таңда шығып жатқан кітаптар сапасы қандай? Жас оқырманға не жетіспейді? Бұл туралы әңгіме София РАЕВАМЕН болады.VIDEO
Қазақстан тәуелсіздігін алғалы бері көптеген ұлттық-патриоттық ұйымдар дүниеге келді. Халық мүддесі үшін жұмыс жасаймыз деп, ашылған қозғалыстар бүгінгі таңда халық арасында беделге ие емес. Оның себебі неде? Қазақстан тарихында дүниеге келген ұлттық-патриоттық қозғалыстар мен ұйымдардың неге ауызбіршілігі жоқ? Бұл ұйымдардың болашағы қандай? Олардың бірлікпеуіне не себеп? Осы жайында әңгіме танымал қоғам қайраткері Жасарал ҚУАНЫШӘЛИНМЕН болады.
Қазақстандықтар Наурыз мейрамын тойлай бастады. Мәдениеттанушылардың пікірінше, қазақстандықтар бір-екі жылда бұл мейрамның мағынасын түсініп, ескі дәстүрлерді жандандыратын болады. Негізінен мамандардың бұл шараның өту шарасына көңілдері толмайды. Оның себебі неде? Ежелден келе жатқан Наурыз мейрамын қазіргі заман қазақтары қаншалықты дұрыс тойлайды? Бұл мейрамның мағынасы қандай? Наурыз мейрамы барысында қандай дәстүрді сақтап, жандандырған дұрыс? Бұл туралы әңгіме мадениеттанушы Әуезхан ҚОДАРМЕН болады.
Мамандардың айтуынша өткен қыс ылғалға мол болды. Енді көктем, жаз маусымдары қолайлы болса, жыл ауыл шаруашылығы үшін жаман болмайды. Алайда академик, «Ауыл» партиясының жетекшісі Ғани ҚАЛИЕВ ауылды көтеру үшін көптеген жұмыс жасау керектігін айтады. Ауыл шаруашылығының бүгінгі жағдайы қандай? Бар мәселелерді шешу үшін не істеу керек? Бұл жайында әңгіме Ғани ҚАЛИЕВПЕН болады.
Наурыздың 27 күні Астанада зергер әрі мүсінші Естай ДАУБАЕВТЫҢ «Ұсталық ұрланбайтын қасиет» атты жеке көрмесі өтеді. Бұл шара Қазақстан Республикасы тұңғыш президентінің музейінде ұйымдастырылады. Естай ДАУБАЕВ осы уақытқа дейін 20-дан астам көрмеге қатысып, өз өнерімен Қазақстанды өзге елдерге таныта білген тұлға. Қазақ мәдениетінде ерекше орын алатын зергерлік өнер бүгінгі таңда қандай деңгейде? Бұл өнерді одан әрі дамыту үшін қандай қадам жасау керек? Естай ДАУБАЕВПЕН болатын әңгіме осы жайында.
Наурыздың 8 күні «Қазақстан» Ұлттық телеарнасының қызметін бастағанына 55 жыл толады. Осы уақыт аралығында бұл арна талай рет өзгеріп, талай рет жаңартылды.Ұлттық арна бастаған Қазақстан телеарналарының бүгінгі деңдегі қандай? Неге қазақстандық телеарналарда халықты қызықтыратын бағдарламалар жоқтың қасы? Жағдайды қалай өзгертуге болады?Бұл туралы әңгіме танымал журналист Ғалия ӘЖЕНОВАМЕН болады.
Қазақстандықтар Кедендік және Еуразиялық одақ жайында не ойлайды? Соңғы 5-6 жылда қазақстандықтардың көңіл-күйі қалай өзгеріп отыр? Бүгінгі таңда оларды жиі толғандыратын мәселелер қандай? Бұл жайында әңгіме «Стратегия» зерттеу орыталығының маманы Серік БЕЙСЕМБАЕВПЕН болады.
Қазақстан қоғамында жиі көтерлетін Кедендік және Еуразиялық одақ жайындағы әңгіме күні бүгінге дейін қазақстандықтар арасында түрлі пікір тудырып отыр. Саясаттану ғылымының кандидаты Мұхит Асанбай бұл бастаманың Қазақстанға пайдасынан бұрын зияны көп деп есептейді. Ресми Астана ресми Мәскеумен жақындасса, Қазақстанға қандай зиян келуі мүмкін? Қазақстан өз мүддесін үшін қай бағытты ұстанғаны дұрыс? Бұл туралы әңгіме белгілі саясаттанушы Мұхит АСАНБАЙМЕН болады.
Ақпанның 19 күні Мұхтар Шаханов бастаған зиялы қауым өкілдерінің Қазақстан президенті, премьер-министрі, парламент депутаттары және күллі қазақстандықтарға арналған ашық хаты ресми тілде жарияланды. Бұл құжат «Латын әліпбиіне көшуге қарсымыз!» деп аталады. Хат авторларының бұл пікіріне «Ақ жол» партиясы төрағасының орынбасары, белгілі ақын Қазбек ИСА қарсы. Оның себебі неде? Қазақстан қоғамын біріктіру үшін не істеу керек? Қазбек ИСА бұл жайындағы ойын арнайы ұйымдастырылған сұхбатта айтты. Алғашында әңгіме «Алаш» партиясының ізбасары атанған «Ақ жол» партиясы туралы болады.
Қазақстан үкіметі мемлекет туын биікке көтеретін елшілер қатарын көбейтуді көздеп отыр. Осы мақсатта 24 миллион теңге ақша бөліп, спортты қолдамақшы. Ресми Астананың осы уақытқа дейін, осы бағытта жасаған әрекеттері өз нәтижесін беріп, қазақстандық спортшылар үлкен жетістіктерге қол жеткізді. Оған 2012 жылы Лондонда өткен Олимпиадалық ойындар көрсеткіші, түрлі халықаралық жарыстар дәлел болып отыр. 2012 жыл боксер, ауыр атлеттердің ғана жұлдызы жанған жоқ, өткен жыл қазақстандық теннистерге сәтті өтті. Дэвис Кубогының 2012 жылғы қортындысы бойынша, Қазақстанның ерлер құрамасы әлем бойынша 8 орынға ие болды.Мамандар бұл көрсеткішті жоғары бағалап отыр. Қазақстандық спорттың болашағы мен қазіргі жағдайы жайындағы әңгіме спорт шолушысы Асхат САҒЫНАЕВпен болады.